«Абайланыс балалар!» атты жедел профилактикалық түсіндірме жұмыстары өткізді.
АБАЙЛАҢЫЗ – БАЛАЛАР!
Жыл сайын өткізілетін дәстүрлі «Абайлаңыз – балалар!» атты жедел-профилактикалық іс-шара биыл да жалғасын тапты.
Атап айтқанда, оқу жылының басында «Абайлаңыз — балалар!» жедел-профилактикалық іс-шарасы аясында Шиелі аудандық полиция бөлімінің әкімшілік полиция бөлімшесінің жол техникалық инспекция тобының мемлекеттік автоинспекторы, полиция аға лейтенанты Өмірзақ Асқар Ержанұлы мектебімізге келіп, оқушылармен түсіндірме жұмыстарын өткізді.
Бұл акцияның басты мақсаты – мектеп жасындағы жасөспірімдердің қатысуымен орын алатын жол-көлік оқиғаларының алдын алып, оқушыларға жол жүру ережелерін таныстырып қана қоймай, оларды жол жүру қауіпсіздігін сақтауға дағдыландыру, сондай-ақ балалардың жарақат алуы мәселелеріне жүргізушілердің, ата-аналар мен мұғалімдердің назарын аудару.
Жаз бойғы демалыстан мектепке енді келген балалар тарапынан алғашқы уақытта жол қауіпсіздігіне деген немқұрайлылық, салғырттық болуы ықтимал. Осы уақытта жол жүру қауіпсіздігі ережелерін балалардың есіне тағы бір салып, мектеп оқушыларының амандығын сақтау бағытында мектеп мұғалімдері мен полиция қызметкерлері бірігіп жұмыс жасап жатыр.
